Прокуратура ангылатады

Быйыл 1 сентябрьден башлап урунуу китапчыкъланы жюрютюуню жангы жорукълары кючлерине киргендиле.

Россей Федерацияны 2021 жылда 24 июльда чыгъарылгъан 1250-чи номерли бегимине кёре жангы урунуу китапчыкъла 2023 жылны 1 январындан жюрютюлюп башланырыкъдыла. Аны бла бирге ишчилени алгъыннгы урунуу китапчыкълары да кертиге саналадыла, аланы алышындырыргъа керек тюйюлдю. Урунуу китапчыкъланы иш бериучюледе болгъан алгъыннгы бланклары бла вкладышланы да тыйгъычсыз хайырланылыргъа боллукъдула, аланы болжалларына чек салынмайды.

Урунуу китапчыкълагъа жазыуланы къол бла эмда техника амалла неда мухурла бла кийирирге эркин этиледи. Ишге алыуну, башха ишге кёчюрюуню эмда ишден эркин этиуню юсюнден жазыула урунуу китапчыкъгъа бир-бири ызларындан неда хар организациядан кетгенден сора блокла бла (бир жолгъа ишге алыннганыны эмда ишден эркин этилгенини юсюнден) кийирилирге боллукъду. Жаланда ишге алыннганыны эмда урунуу келишим тохтатылгъаныны юсюнден шартла жазылгъан документге таяныргъа керекди.

Ишден эркин этиуню (урунуу келишим тохтатылгъаныны) сылтауларыны юсюнден жазыула урунуу китапчыкъгъа Россей Федерацияны Урунуу кодексинде айтылгъаныча кийириледиле.
Урунуу китапчыкъланы бланкларыны бла вкладышларыны эсеплерин, урунуу китапчыкъла бла байламлы ишлени иш бериучю кеси бардырады, китапланы (журналланы) хайырланып.

Поделиться: