Эки элни жоллары тапландырылгъандыла

«Къоркъуусуз эмда качестволу жолла» миллет проект республикада  ючюнчю жыл бардырылады.  Быйыл Чегем районну  Нартан эмда Яникой эллерини  ара орамларын тапландырыу ишле ётгендиле.

Нартанда жети километрден артыкъ жол  ждангыртылгъанды. Ала  Захохова, Ленин, Атажукин, Черкес, Кушбоковла эмда  Клишбиевле атлы орамладыла. Алада эки  мектеп, физкультура -  саулукъ сакълау комплекс,  Бекмурза Пачевни Юйю-музейи эмда элни межгити орналыпдыла.

«Бу орамладады социал магъаналы объектлени асламысы,  андан сора да, битеу жамауат транспорт да алайлары бла жюрюйдю. Республиканы оноучуларыны хайырындан жолла тапландырылгъандыла, эллиле ыразыдыла»,-дегенди  Нартан элни администрациясыны  башчысы  Эльдар Урусов.

 Яникойда уа Байсолтанланы Алим атлы  орамда мектеп, амбулатория,  спорт комплекс, межгит да  бардыла. Алагъа баргъан жолла да  тап этилгендиле, чыракъла жанадыла.

  Эки элде да жолланы къурулушларын 1 мартда къолгъа алгъан эдиле. Бюгюнлюкде   ишле бары да тамамланылгъандыла.

Эсге салайыкъ, былтыр  миллет проектге кёре, Чегем районну Чегем шахарында эмда Шалушка элинде  орамла тапландырылгъандыла.

Холаланы Марзият.
Поделиться: