Элбрусда - белгили диджейлени макъамлары

20 марта, 2019 - 08:25

Элбрусда «Мир» станцияда атлары  дуниягъа эмда къыралгъа айтылгъан  диджейлени  «Эль 3500» деген  уллу музыкалы фестивальлары  боллукъду. Аны Идар Даров бла Казбек Качлаев бардырлыкъдыла. Къараучуланы саны 200-300 адамгъа жетерикди. Ол  6 апрельде эрттенликде 10:00 сагъатда башланырыкъды. 
Быллай байрамла Европаны белгили лыжа   курортларында   ачыкъ сахналада ётедиле. Бу жолча бийикликге уа ол биринчи кере кётюрюллюкдю.    Аны юсюнден  Интернетде, радиода да  айтыллыкъды  эм веб-камерала бла  тюзюнлей эфир  бардырыллыкъды.  
Фестивальны  КъМР-ни Курортла эмда туризм министерствосу, Элбрус районну  администрациясы, «Элбрус турист» эм Курорт Элбрус» компанияла  болушуп «Эль 3500» деген жаш тёлю чыгъармачылыкъ биригиу къурайды. 

Алиса Тарим, Элбрус муниципал районну администрациясыны пресс-службасы.
  • 35 просмотров
Поделиться: