Энергетика министерствону ишине - бийик багъа

Къабарты-Малкъарны Энергетика, тарифле эмда жашау журтлагъа надзор этиу жаны бла министерствосу Россейде жашау журтлагъа надзор этиу жаны бла къырал органланы рейтингинде биринчилени санына тюшгенди. Ал жерге ол Москваны, Москва областьны эм талай регионланы ведомстволары бла бирге тийишли болгъанды, деп билдиргендиле министерствону пресс-службасындан.
Рейтингни къурагъанла жашау журт инспекцияланы ишлерин талай кёрюмдюлеге кёре сюзгендиле. Сёз ючюн, ала эсеплери артда тюзге саналмагъан нелляй бир тинтиуле бардыргъанларына, тамамланнган предписанияланы, сюдле этген кюч алгъан оноуланы санына, РФ-ни Къурулуш министерствосуна отчётла заманында берилгенине эмда башха затлагъа къаралгъанды.