Школлагъа - 108 миллиондан аслам сом

Къабарты-Малкъарны   школларына  жангы окъуу жылгъа хазырланыргъа  108,4 миллион сом бёлюннгенди, деп билдириледи информагентстволадан.  

- Ол санда   республикалы бюджетден  29 миллион сом ётдюрюлгенди,  муниципал районла бла шахар округла да кеслеринден  79,3 миллион сом  къошхандыла. Школчула   предметлени кёбюсюнден хакъсыз китапла  алырча да  онг тапдырыллыкъды, анга деп  51,7 миллион сом къоратылгъанды.

Андан сора да,  быйыл  1-4-чю класслада окъугъан сабийлени хакъсыз жылы аш бла  жалчытырча  мадар этилликди,   деп билдиреди КъМР-ни жарыкъландырыу, илму эмда жаш тёлюню ишлери жаны бла министрини къуллугъун толтургъан  Анзор Езаов.