Жоллагъа ремонт этиледи

Дейское – Тёбен Курп жолну Шимал Осетиягъа жууукъда кесегинде жангыртыу ишле барадыла. КъМР-ни жол мюлк Управлениясында айтханларына кёре, подряд организацияны специалистлери аны асфальт салыргъа хазырлай турадыла. Аны бла бирге Акбашский арыкъны юсю бла баргъан эски кёпюрню да оюп кетергендиле. Бу ишлени кезиуюне транспорт алайда болжаллы жол бла жюрюрюкдю.

 Мындан сора да, жолчула республиканы кёп муниципалитетлеринде тапландырыу ишлени къолгъа алгъандыла. Басхан, Май эмда Прохладна районлада транспорт инфраструктурада асфальт салыу, белгиле, тыйгъычла, бордюрла орнатыу барады. Кенже – Каменка бла Экинчи Чегем  – Булунгу жоллада уа специалистле чунгурланы жамау бла кюрешедиле.