Буз майданда хунерлерин ачыкъларыкъдыла

Быйыл 2 эм 3 октябрьде  Нальчикде биринчи кере бузда учуудан ачыкъ эришиуле боллукъдула, деп билдириледи КъМР-ни Башчысыны Администрациясыны МАХ-да каналында.

Турнирге Россейни алты регионундан 200-ден аслам спортчу къатышырыкъдыла.

Биринчи кюн 13:00 сагъатда Буз къалада эришиулени ачылыуу бла байламлы байрам ётерикди. Ызы бла спортчула къараучулагъа къысха программаларын кёргюзтюрюкдюле.  

Экинчи кюн хар бири да эркин программалары бла бузгъа чыгъарыкъдыла. Ахырында эсеплеге кёре,  хорлагъанла да белгили боллукъдула. 

Эсге сала айтсакъ, быллай башламчылыкъ республикада спортну къыш тюрлюлерин  айнытырча ахшы себеп боллукъду. Эришиулеге къараучулагъа хакъсыз кирирге жарайды.