Кюзлюклени себип башлагъандыла

Бюгюнлюкде Къабарты-Малкъарны мюлклеринде кюзлюклеге бёлюннген жерлеге къыстау урлукъ салып кюрешедиле. Ол санда тийишли ишле 2 минг гектарда тамамланнгандыла.  

Саулай алып айтханда,  быйыл республикада кюзлюклеге 60 минг гектар бёлюннгенди. Ол башха жыллада кёрюмдюге жете кетеди.  Башха жылладача,  сабанланы иги кесегинде неда 44 минг гектарда –  кюзлюк будай, 10 минг гектарда – арпа эм 5,5 минг гектарда рапс  ёсдюрюллюкдю. 

Кюз арты сабан ишле  агротехника болжалдан кеч къалмай бардырылгъанлары битимле заманында тамырланырча эм къыш сууукълагъа иги чыдарча себеплик этерикди.

Мюлкледе Гостха келишген кесибизни урлукъну хайырланадыла. Жерни кючлерча минерал семиртгичле да салынмай къалмайдыла. Заранлы жаныуарладан бла аурууладан къорууларча мадар да этиледи. 

Жерчиликде уруннганла билдиргенлерича, тийишли кезиулю ишлени сууукълагъа дери тамамлар умутлары барды.