УФСБ: Ахчаны экстремистлеге ашыргъанды

Россейни Къоркъуусузлукъну федерал службасыны КъМР-де Управлениясыны келечилери 51-жыллыкъ нальчикчини бузукълугъун тохтатхандыла.  
УФСБ-ны пресс-службасындан бизге билдиргенлерича, эр киши сюдню оноуу бла экстремист организациягъа саналгъан эм къыралда ишине чекле салыннган  коммерциялы болмагъан организациягъа ахча ийгенди. 
 Нальчикни шахар сюдю, инсан РФ-ни УК-сыны 282.3-чю статьясыны 1-чи кесегине бузукълукъ этгенин тохташдырып, аны эркинлигин условно халда юч жылгъа сыйырыргъа, жылны ичинде ол кесин къалай жюрютгенин сынаргъа, деген оноуну чыгъаргъанды. Ол алыкъа кючюне кирмегенди.