Устазла, окъуучула да сюйюп къатышхандыла

Быллымны Маданият юйюнде 8 сентябрьге Россейни халкъларыны тиллерини кюнюне аталгъан «Минги тауча бийик тилим» деген акция бардырылгъанды. 
Анда ишлегенле элни орамларында тюбеген адамларына ана тилибизни юсюнден соргъандыла. Ала берген жууапланы видеогъа жаздырып, элни сайтына салгъандыла. Жууапла берген адамланы араларында абаданла, жашла, окъуучула, устазла да болгъандыла. «Быллай ишле ана тилни сакъларгъа себеплик этеригине ышанабыз», - дегенди къысха ушагъыбызда Быллымны Маданият юйюню таматасы Байзуллаланы Джамиля.
Бу акциягъа, Маданият юйню ишчилеринден сора да, устазла бла окъуучула да тири къатышып, эллиледен ыразылыкъ тапхандыла.