Саулукъ сакълауну айнытыргъа алланып

Къабарты-Малкъарда миллет проектле саулукъ сакълауну айнытыргъа себеплик этедиле. 2021-2025 жыллада республикада «Саулукъ сакълау», «Демография», «Узакъ эм тири жашау», «Юйюр» миллет проектле жашауда бардырылгъандыла эм «Саулукъ сакълауну айнытыу» къырал программаны энчи бёлюмлери бла ишле этилгендиле, деп билдириледи КъМР-ни Башчысыны Администрациясыны MAX-да каналында.
«Саулукъ сакълау» миллет проектни чеклеринде медицина инфраструктура айныгъанды, онкология эм жюрек-тамыр ауруулары болгъанлагъа тийишли болушлукъ тапдырылып тургъанды, медицинаны биринчи звеносу жангыртылгъанды. 
«Демография» миллет проектни чеклеринде жыл санлары келген инсанлагъа медицина болушлукъ бериу айныгъанды, жамауатны саулугъун сакълаугъа аслам эс бурулгъанды. 
2025 жылда «Узакъ эм тири жашау» миллет проект жашауда бардырылып тебиреген эди. Ол саулукълу жашауну бардырыргъа, адамланы жашаудан замансыз кетмезча амалланы къураргъа эм шёндюгюлю медицина болушлукъну тапдырыугъа бурулупду. 
«Юйюр» миллет проектни чеклеринде аналыкъны эм сабийликни сакълау иш бардырылады, сабий табарыкъ тиширыулагъа къарагъан службаны иши айныйды  эм педиатрла да болушлукъну заманында тапдырырча амалла къуралгъандыла. 
Битеу ол ахшы тюрлениуле миллет проектлени жашауда жетишимли бардырып, Халкъ программаны борчларын толтуруу бла байламлыды, деп айтылады билдириуде.