Жолда жюрюу жорукъланы бузгъанлары ючюн ‒ тазир

Бу кюнледе Чегем районда киеу жёнгерни къауумунда болгъан жаш адамланы къаууму Экинчи Чегем элни ара орамында жолда жюрюген жорукъланы бузуп, бирси улоуланы жолларын тыйгъандыла, деп билдиредиле КъМР-де МВД-ны пресс-службасындан.

 Россейни МВД-сыны Чегем районда бёлюмюню къырал автоинспекциясыны къуллукъчулары машинаны жюрютген адамланы тапхандыла. Ала Чегем районда жашагъан 19, 24 эм 29 жыллары болгъан адамладыла.

Полициячыла аланы административ жууапха тартылгъан 8 ишни къурагъандыла. Энди этген ишлери ючюн алагъа 20 минг сомдан артыкъ тазир тёлерге тюшерикди. Сюдню оноууна кёре ала улоуну жюрютюрге эркинликлерин юч айгъа дери тас этерге боллукъдула.

Киеуге аталгъан «-1» деген жазыу жангы магъана табып 2-ге дери кётюрюлгенди: эки машина сыйырылгъан улоула тургъан жерге салыннгандыла.

 Къабарты-Малкъарны къырал автоинспекциясы байрам ишлеге къатышхан водительлени, жолда жюрюген жорукъланы (ПДД) бузмай, жолда жюрюгенлеге хурмет этерге чакъырады.