Къабарты-Малкъар Республиканы Башчысы Казбек Коковну Республиканы кюню бла алгъышлауу

Багъалы жерлешлерим!

Сизни Республиканы кюню бла жюрегимден къызыу алгъышлайма!

Бу байрам Къабарты-Малкъарда жашагъанланы  – патриотлукъну эмда Ата журтха кертичиликни, бирликни бла бир ниетлиликни тёрелерин, гитче эмда уллу Ата журтну къадары ючюн битеулю жууаплылыкъны багъалагъан адамланы – барысын да бирикдиреди.

Къабарты-Малкъарда къыраллыкъны тохташыуу аны тарыхында бек магъаналы ишге саналгъанды. Озгъан жылланы ичинде республика къыралны жетишимли айныгъан регионуна – кёп бёлюмлю экономикасы, тынгылы социал бёлюмю, бийик даражалы билим бериую бла маданияты  болгъан жерге – айланнганды.

Биз тамата тёлюбюзню аллында баш урабыз. Аланы иш кёллюлюклерини, хунерликлерини эмда кюч-къарыуларыны хайырындан республика къуралып, андан ары айнып баргъанды. Бюгюнлюкде да аны жашнаууна юлюшлерин къошханлагъа уллу хурмет этебиз.

Производстволаны къурау, саулукъ сакълауну бла билим бериуню, маданиятны бла спортну эмда туризмни инфраструктураларын жангыртыуну уллу программасын жашауда бардырыу, ырахат болум къурау – ала барысы да арт жыллада иги жанына бола тургъан тюрлениулени жаланда бир кесегидиле.

Айхай да, аскерчилерибиз – энчи аскер операцияда Россейни къоркъуусузлугъун эмда келир заманын кеслерин аямай къоруулай тургъан жерлешлерибиз  бла  ёхтемлениуюбюз да бек уллуду. Аланы Хорлам бла къайтырларын ашыгъып сакълайбыз.

Бюгюнлюкде биз келир заманнга таукел къарайбыз. Иш кёллюлюк, тюз жол бла баргъаныбызгъа ийнаныуубуз, кеси кючюбюзге базыннганыбыз  кесибизге  бек уллу борчла салыргъа эмда аланы толтурургъа таукеллик бередиле. Бизни баш муратыбыз а адамларыбызны къолайлыкъларын ёсдюрюу болгъанлай къалады.

Жыйышдырылгъан сынамыбызгъа бла хазналарыбызгъа, тамата тёлюлени махтаулу урунуу эмда аскер тёрелерине таянып, туугъан Къабарты-Малкъарыбызны, саулай  деменгили Россейибизни да келир заманда жашаулары монглу болур эмда ала жашнар ючюн белгилеген муратларыбызгъа жетмей къалмазлыгъыбызгъа  ийнанама.

Республиканы жамауатын жюрегими теренинден алгъышлай, кийик саулукъ, жетишимле, насып эмда ырахатлыкъ тежейме.

Байрам бла!