Карточканы башхагъа сатаргъа жарамайды

КъМР-де МВД-ны «Нальчик» бёлюмюню уголовный розыскыны келечилери оператив-излеу ишни чеклеринде 20-жыллыкъ нальчикчи жаш кесини банк карточкасын башхалагъа сатханын тохташдыргъандыла. Алай бла ол алагъа аны хыйла жумушлада хайырланыргъа онг бергенди. Аны ючюн энди  РФ-ни Уголовный кодексини 187-чи статьясыны 3-чю кесегине тийишлиликде терсленеди, деп билдиргендиле Къабарты-Малкъарда МВД-ны пресс-службасындан.

Полиция къайтарып эсге салады: кесигизни банк картагъызны башхалагъа сатсагъыз неда талай заманнга хайырланыргъа берсегиз, ол аманлыкъ ишге саналлыкъды! Женгил ахчаны ызындан къуусагъыз, ол игиликге келтирмез.