Жюрекни саулугъуна къайгъыргъан - тюз сайлау

Россейни Саулукъ сакълау министерствосу 10-16 августда жюрекни эм къан тамырланы аурууларындан сакъланыуну ыйыгъын бардырады.  Ол а осал къылыкъла, керексиз жарсыула адамны саулугъуна салгъан хатаны эсгертирге ахшы заманды.

Жюрек битеу санланы ишлетеди, алай аракъы, наркотикле, дагъыда къайгъыла, сынаула аны бузадыла, деп ангылатадыла КъМР-ни Саулукъ сакълау министерствосуну Психиатрияны бла наркологияны клиника арасыны келечилери:

- Ала къан басымны кётюредиле, алай бла уа инфаркт, инсульт урлугъуна къоркъуу уллуду. Дагъыда жюрек кемчиликле бла ишлейди (аритмия), кардиомиопатия башланыргъа боллукъду, - дегендиле бизге клиникадан.

 Санлагъа хата салгъаны бла бирге адамны психикасын да тюрлендиредиле. Дайым да къайгъылы болуу, стресс санлада кортизол гормонну ёсдюредиле, ол а къан тамырланы бузады. Къайгъы этип тургъан, мугурайгъан адамлада жюрек ауруула 64 процентге кёп тюбейдиле. 

- Жюрекни, къан тамырланы аурууладан сакъларгъа сюе эсегиз, бек алгъа аракъыны, наркотиклени, алача башха осал къылыкъланы къояргъа керекди. Алай бла санларыгъызгъа жангырыргъа онг берликсиз. Жаяу жюрюген, спорт бла кюрешген психикасына хайыр келтирликди. Алай кесигиз болалмасагъыз, бизни клиниканы врачларыны болушургъа битеу онглары барды. Жюрекни саулугъу ючюн къайгъыргъан жашауунда тюз сайлау этеди, - дегендиле бизге клиниканы пресс-службасындан.