Сабий къауум жоллада сакъ болурча

МВД-ны Чегем районда бёлюмюню акъылбалыкъ болмагъанланы ишлери жаны бла инспектору,  сабийле жыйылгъан жерлеге барып, алагъа жоллада жюрюуде жорукъланы юсюнден хапарлагъанды, деп билдиргендиле Къабарты-Малкъарда МВД-ны пресс-службасындан.

Ала бла тюбешген кезиуде ол интернетде къоркъуусузлукъну излемлерин да туура этгенди. Бегирек да танымагъан адамла бла сёлешмезге, ахча терк ишлерге сёз бергенлеге алданмазгъа чакъыргъанды. Ышаннган баш законнга бузукълукъ этсе уа, аны административ неда уголовный жууаплылыкъ сакъларыгъын билдиргенди.

Тюбешиуню ахырында инспектор сабийлеге басма материалла юлешип, жашауда чурумлагъа неда ишеклик туудургъан шартлагъа тюбеселе, кёргенлерин, эшитгенлерин кеслерини ичлеринде тутмай, ата-аналагъа эмда педагоглагъа билдирирге чакъыргъанды.