Бийик таулада, ариу табийгъатда сыйланыу

Къабарты-Малкъарны Курортла эм туризм министерствосундан билдиргенлерине кёре, 15 августда Минги тауда «Кавказ фест – 2026» уллу турист-маданият байрам боллукъду.

Ол бир кюнню ичинде «таулада сыйланыу» деген халда бардырыллыкъды. Байрамгъа келгенле бийик таулада ариу табийгъатда спорт, маданият чурумлагъа къатышырыкъдыла, миллет ашарыкъла бла сыйланырыкъдыла, Кавказны халкъларыны адет-тёрелери бла шагъырейленирикдиле. Байрамда энчи жерни Элбрусну этегинде сахнада Шимал Кавказны артистлерини эмда Дима Биланны къатышыуу бла концерт аллыкъды.

Байрамны кюндюзгю кесеги «Мир» станцияда Кавказны къаяларына къарай йога бла кюрешиуден башланырыкъды, андан сора къонакъла белгили альпинистка Алина Пекова бла «Хорламны жолу» экожолоучулукъ бла жолоучулукъгъа атланырыкъдыла. Сюйгенле суратчы Мурат Дышековну башчылыгъында табийгъатны суратын ишлерге юйренирикдиле, предпринимательле, спортчула бла тюбешиуле да къураллыкъдыла.

Фестивальны Кавказ.РФ республиканы Правительствосуну болушлугъу бла къурайды, анга къатышыр ючюн, «Эльбрус» курортну сайтында эсепге тюшерге керекди.