Дзюдочуларыбыз – алчыланы санында

Нальчикде Универсал спорт арада спортну халкъла аралы класслы устасы Аслан Камбиевни хурметине эришиу  къуралгъанды. Анга СКФО-ну битеу субъектлеринден 2012-2013 жыллада туугъан спортчула къатышхандыла.
Эсеплеге кёре алтын майдал  Краснодар крайны къауумуна жетгенди. «Кюмюшге» Къарачай-Черкесни келечилери тийишли болгъандыла. Ючюнчю жерни республикабызны эки къаууму – «Дзюдо КБР» бла «Нальчик» спорт клуб – юлешгендиле.  Аланы  тренерле Сафарби бла Азамат Таовла, Беслан бла Алим Дзуевле хазырлагъандыла.  
Эришиуню дзюдодан С.Х. Ниров атлы олимпиада резервли спорт школ, къарындашла Артур бла Рустам Башоровла  Олимпиаданы чемпиону Беслан Мудрановну бла Россейни чемпиону  Аслан Камбиевни жууукъ-ахлуларыны себепликлери бла къурагъандыла. Сыйлы къонакълача уа, анга Парламентни башчысыны орунбасары Мурат Карданов, депутатла,  республиканы спортчулары чакъырылгъандыла.