Къурулуш бёлюмню иши сюзюллюкдю

Быйыл 3-7 августда «Россейни тамблагъысын ишлейбиз» деген битеуроссей медиафорум бардырылады. Аны РФ-ни Къурулуш эмда жашау журт-коммунал мюлк министерствосу Къурулушчуну кюнюне жоралайды.

Быйыл бу байрам къуралгъанлы 70 жыл боллукъду. Медиафорум кеси уа 2023 жылда бардырылгъанды биринчи кере. Беш кюнню ичинде къыралны бар регионларындан жюзден артыкъ специалист къатышып, анда отуз ишчи сессия бардырыллыкъды. Форумну иши тюзюнлей эфирде кёргюзтюлюп турлугъу ючюн ушакълагъа хар ким да тынгыларгъа боллукъду. Видеогъа КъМР-ни Къурулуш эм ЖКХ министерствосуну сайтында неда интернетде (https://kinescope.io/0cCm7yVzes3y8M4WacwzYh) къараргъа онг барды. Эфир эрттенликде сагъат тогъузда башланады.