Саулукълары ючюн жууаплыланы саны ёседи

КъМР-ни Саулукъ сакълау министерствосундан билдиргенлерича, быйылны башындан    бери  инсанла узакъ заманны тириликлерин тас этмей жашарча  къырал программаны чеклеринде  борчлу халда диспансеризация бардырылады.  Алай бла бюгюнлюкде Къабарты-Малкъарда аны абадан къауумдан  элли мингден аслам адам ётгенди. Аны кезиуюнде  специалистле  жюрекни, къан тамырланы, эндокрин эм солуу   системаны болумларын тинтедиле.   Бир тюрлю бузукълукъ табылса, ол адамны экинчи кере да кесине тийишли халда къаратыргъа кереклисин эсгертедиле. Ала къанны басымына,  бал тузну кёплюгюне, холестеринни  уллулугъуна  энчи  эс бурадыла.

Быллай магъаналы жумуш  къыйын аурууланы заманында ачыкъларгъа эмда жетишимли багъаргъа болушады. Бюгюнлюкде ол къыралда инсанланы саулукъларын кючлеуде ахшы амалладан бири болгъанын да энчи белгилеп айтырчады.