Жангы 100-сомлукъ

Бу айны онунчусунда Россейде жангыртылгъан 100-сомлукъ къагъыт ахча жюрюп башлагъанды. Ол Ара федерал округга жораланады, дегендиле РФ-ни Ара Банкында. Аны бет жаны тюрленмегенди, алгъын жюзсомлукъдача Москвада Кремльни Спас къаласыны сураты ишленипди анда. Аны къатында QR-код а Россейни Банкыны сайтына элтеди.
Ахчаны бирси жаны да хазна тюрленмегенди. Анда кёзге совет солдатны Ржевде эсгертмеси урунады. Алай аны къатында уа ары дери Россейни картасы болуучу эсе, энди Ара федерал округну картасы турады. Дагъыда «2022 жыл» деген жазыу «2026 жылгъа» тюрлендирилгенди.