Аракъы бла аллергия – бирге ахырда жарашмайдыла

РФ-ни Саулукъ сакълау министерствосу 6-12 июльну аллергия бла байламлы аурууланы профилактикасына жоралагъанды. Аны чеклеринде ичги затла аллергиядан къыйналгъан адамны саулугъуна къаллай хата салгъанларын ангылатыргъа сюебиз.

КъМР-ни Психиатрияны бла наркологияны клиника арасындан бизге билдиргенлерича, ичгилеге къошакъла: сульфат, гистамин, ийисин, татыуун тюрлендирген затла аллергиясы болгъан адамны саулугъун бютюнда осалгъа бурлукъларына къоркъуу уллуду.

- Ол хатасын терк кёргюзтюрге, кесин артда билдирирге да ёчдю.   Сёзге, аллергиядан къыйналгъан ичги затны хайырланса, отек Квинке башланыргъа, солууу тыйылыргъа боллукъду. Аны бла бирге къан басым терк тюшеди. Санланы ууланнганларын ангыламай къалгъан кезиуле да бардыла – аланы эсиргенлерине буруп,-дейдиле клиниканы келечилери.

Алай бла врачла аллергиядан къыйналгъанлагъа аракъы ичерге ахырда жарамагъанын билдиредиле. «Букъугъа, битимлеге, аш-суу бояулагъа аллергия бар эсе, ичги затла аланы бютюнда тирилтедиле»,-дегендиле бизге клиниканы пресс-службасындан.