УФСБ: Эркинлиги он жылгъа дери сыйырылыргъа боллукъду

12 июня, 2026 - 13:00

Экономикада аманлыкълагъа къажау излеу-тинтиу жумушланы бардыргъан кезиуде Россейни ФСБ-сыны КъМР-де Управлениясыны къуллукъчулары, республиканы полициячылары бла бирге почтаны Элбрус районда  бёлюмлеринден бирини башчысыны аманлыкъчы ишин тыйгъандыла. 

Кюч ведомствону пресс - службасындан бизге билдиргенлерича, ол бёлюмню ахчасын кесини кереклерине къоратханына ишеклик барды. 
Россейни Следствие комитетини КъМР-де следствие управлениясыны келечилери РФ-ни УК-сыны 160-чы статьясыны 4-чю кесегине бузукълукъ этилгени бла байламлы уголовный иш ачхандыла. Законлада жазылгъаныча, быллай аманлыкъ этгенни эркинлиги он жылгъа дери сыйырылыргъа боллукъду.

  • 10 просмотров
Поделиться: