Аманлыкъчы жууапха тартыллыкъды

Республиканы прокуратурасы Рязань областьдан 20-жыллыкъ жаш адамгъа ачылгъан уголовный ишни къабыл кёргенди. Ол РФ-ни УК-сыны 159-чу статьясыны 4-чю кесегине бузукълукъ этгени ючюн терсленеди – къуралгъан къауум артыкъда уллу хыйлалыкъ этгени ючюн.
 Ачыкъланнганыча, ишекли инсанланы ахчаларын урлар мурат бла аманлыкъчы къауумгъа киргенди. 2024 жылда ноябрьде бузукъчула Интернетде «Тойота Лэнд Крузер Прадо» сатылгъаныны юсюнден билдириуню басмалагъандыла. Къауумну келечилери бирге келишип, машинаны сатып алыргъа сюйген инсанны алдагъандыла эмда аны 3,5 миллион сомун урлагъандыла. 
 Уголовный иш Рязаньны Советский районуну сюдюню къараууна берилликди.