Россейни биринчилигине бла чемпионатына къатышырыкъдыла

Бу кюнледе Каспийск шахарда кикбоксингден СКФО-ну чемпионаты бла биринчилиги ётгенди. Ары Россейни битеу субъектлеринден 1014 гёжеф къатышхандыла, деп билдиредиле КъМР-ни Спорт министерствосундан. Ала эр кишилени бла тиширыуланы (10-40 жыл) араларында ётгендиле.  Анда Къабарты-Малкъардан 115 спортчу кеслерин сынагъандыла.

Эсеплеге кёре, къатышханланы санында биринчиликде 10-12- жыллыкъ къызланы араларында «Доммакъны» Ясмина Макаева (32 кг.) алгъанды. 

13-14- жыллыкъ къызланы бла жашланы араларында алчыланы санына Ирада Бекулова (44 кг.), Милана Жерештиева (48 кг.), Асалина Кярова (56 кг.), Кирил Захаров (36 кг.), Рамазан Курбанов (39 кг.), Имир Боготов (48 кг.) эм Адам Сундуков (51 кг.)  киргендиле.

15-16- жыллыкъ жашланы араларында Ислам Кошиев (60 кг.) бла Адам Хачетлов (63,5 кг.) алтын майдалла къоллу болгъандыла.

17-18- жыллыкъ юниорланы араларында СКФО-ну биринчилигинде «Алтынны» уа Джангуразланы Шамиль (75 кг.) бла Адальби Хутов (63,5 кг.) алгъандыла.

19-40 эр кишилени бла тиширыуланы араларында СКФО-ну чемпионларына Елена Ржевская (+70 кг.), Рустам Губжоков (57 кг.), Темирлан Бляшев (63,5 кг.) эм Вадим Дамалаев (67 кг.) саналгъандыла.

Бу эришиуледе айырмалы болгъанла андан ары кикбоксингден Одинцово шахарда бардырыллыкъ Россейни биринчилигине бла ноябрьде Екатеринбургда бардырыллыкъ Россейни чемпионатына къатышырыкъдыла.

Гёжефле Кючменланы Рустамда, Анзор Сасиковда, Айдин Саралидзеде, Ибрагим Бецуковда, Асланбек Дышековда, Аслан Боллоевде эм Къудайланы Алим бла Залимде жарау этедиле.