Локияланы Жамболат Россейни биринчилигин хорлагъанды

Бизни жерлешибиз Локияланы Жамболат Суздаль шахарда грек-рим тутуушудан Россейни жигити генерал-лейтенант Роман Кутузовну хурметине жораланнган эришиуледе Россейни чемпиону атха тийишли болгъанды.  Энди Жамболат Къазахстанда бардырылгъан дунияны чемпионатында Россейни даражасын къорууларыкъды, деп билдиргенди КъМР-ни Башчысы  Казбек Коков MAX-да каналында.

Кюмюш майдалланы да бизни спортчуларыбыз Марат Кампаров (130 килограммда) бла  Ауэс Гонибов (82 килограммда) алгъандыла. Ахмед Кайцуков (77 килограммда) бла Улбашланы Адам (55 килограммда) хорлагъандыла.

Гёжефлерибизни эришиулеге тренерле  Олег Шокалов, Эдуард Белгароков, Умарланы Тимур, Мурат Кишев, Мухамед Коготыжев эм Тахир Гоплачев хазырлагъандыла. Белгилерчады, Россейни биринчилигинде саугъала ючюн 250 жууукъ эм кючлю спортчула къатышханларына.

Хорламла болдургъан жашларыбызны жюрегими теренинден алгъышлайма, мындан арысында да ала россейли спортну атын махтау бла айтдырырларына ишеклик жокъду, деп жазгъанды республиканы оноучусу.