Урунууда тюрлениулени юсюнден

Быйыл 1 сентябрьден башлап Урунуу кодексге тюрлениуле кийирилликдиле. Алагъа кёре,  бизнес урунуу ресурсланы кесине ишге жангы адамланы алмай хайырланыргъа боллукъду, деп билдиргендиле КъМР-де Мени Бизнесим арадан.

Бу магъаналыды: белгиленнген замандан кёп ишлерге жарагъан марда 120 сагъатдан 240 сагъатха дери кёбейтилгенди. Бизнес жангы адам алмай, урунуу ресурс табады, ишчиле уа — официальный халда ахча къоллу боладыла эмда социал гарантияла аладыла.

Энди предпринимательле былай этерге боллукъдула:

• къошакъ халда ишлерге хазыр болгъан (750 мингнге дери) ишчини хайырланыргъа;
• жангы адам излемей, 100 мингнге дери вакансияны жабаргъа;
• иш къазауат болгъан кезиуледе урунуу онгланы теркирек кёбейтирге.

Бу къалай ишлейди:

• кёбейген сагъат марда (240 сагъатха дери) коллектив келишимде неда отраслевой келишиулюкде жазылып эсе хайырланылады;
• артыкъ заманны урунуу — жаланда ишчини къол бла жазгъан ыразылыгъы бла;
• ишчи кеси сайлайды: эки къатлы тёлеу неда къошакъ солуу кюнле.

Энчи магъаналы шартла:
— гитче бизнес 70 ишчи бла болжаллы урунуу келишимле этерге боллукъду (шёндю уа — 35 адам бла);
— пенсиягъа чыгъар заманлары жете тургъанлагъа, пенсиячылагъа эмда заранлы производстволада ишлегенлеге медицина жаны бла тыйгъычла болмазгъа керекдиле;
— диспансеризациягъа къошакъ тёленнген кюн бериледи — ол да саулукъну сакълау ючюн жангы гарантия.