Умутландыргъан кёрюмдюле Бу кюнледе Ереванда жаш спортчуланы (2009-2015 жыллада туугъанланы) араларында халкъла аралы турнир бардырылгъанды. Анга кеслерини усталыкъларын кёргюзтюрге Къазахстандан, Россейден, Гюржюден эм Армениядан 700-ден аслам дзюдочу къатышхандыла. Къыралыбызны жыйымдыкъ командасыны къауумунда бизни республиканы келечилери да аз тюйюл эдиле. Ала бу эришиуде кеслерича жыл сан эм ауурлукъ къауумланы араларында ёхтемленирча кёрюмдюле болдургъандыла: жерлешлерибиз битеу да 11 майдалгъа тийишли болгъандыла. Эришиулени ахыр тюбешиулеринде барысын да озуп, Ксаналаны Муслим, Али Мулаев бла Бегийланы Джалил алтын майдалла алгъандыла. «Кюмюшлеге» уа Бечелланы Алийхан, Тамерлан Балов, Искандер Бжахов, Амир Карданов тийишли болгъандыла. Доммакъ майдалла ючюн кюрешде уа Инал Готыжев, Кантемир Быков, Басир Шебзухов эм Аслан Пшихачев хорлагъандыла.
Поделиться:
Читать также:
06.06.2026 - 11:48 →
Гиртчилигине – даражалы бел бау
03.06.2026 - 16:24 →
Россейни биринчилигине бла чемпионатына къатышырыкъдыла
03.06.2026 - 16:15 →
Ахшы хорламла
02.06.2026 - 10:41 →
Жюзюуде усталыкъларын сынагъандыла
02.06.2026 - 10:41 →
Къызчыкъла да каратени сайлайдыла
| ||
