Сабийле аскерчилеге къагъытла да жазгъандыла

Басхан шахарны жаш телюсю, абадан къаууму да биригип, энчи аскер операция бардырылгъан жерге кезиулю жандауурлукъ болушлукъ жибергендиле.

Ол жумушха шахарны бир къауум школлары бла сабий садлары да къатышхандыла. Аскерчилеге деп жылы кийимле,  аш-суу эм кюн сайын керек бола тургъан затла бла да 50 орун жиберилгенди. Аланы юслерине уа сабийчиклени аскерчилеге жазгъан къагъытлары да салыннгандыла.  Не зат жыйышдырыргъа, жиберирге  кереклисин а школ билим бериу управленияны ишчилери алгъадан  жюк тапдырыучу волонтёр къауумдан соруп билгендиле. Магъаналы жумушну тамамлаугъа ата-анала, устазла да юлюшлерин къошхандыла.