Кёпле борчларын жабаргъа ашыкъгъандыла

Быйылны аллындан бери «Россети Северный Кавказ» - «Каббалкэнерго» биригиуню келечилери уллу борчлары болгъанлары ючюн ток ыздан кесериклерин билдирип, 100 мингден аслам абонентге  заявка бергендиле. Саулай алып айтханда, ала хайырланылгъан электрокюч ючюн 264,3 миллион сом берирге керек эдиле.

Болсада, чек салынырыгъын ангылагъанларында,   33,6 минг абонент  86,6 миллион сом тёлеп къутулгъандыла.  Алай уллу кёллюлюк этген 1,7 минг чакълы бузукъчу уа токсуз къалгъандыла. Бусагъатда аланы 7,3 миллион сом берликлери барды. Жууукъ заманда ала законну чеклеринде жууапха тартыллыкъдыла.

- Арт заманда промышленный бёлюмге кирмеген абонентлени арасында  тёлегенлени санына къошула баргъаныны баш сылтауларындан бирлерине жамауат бла тири билдириу, ангылатыу иш бардырылгъанын, жашау журтланы эм башха объектлени  иелери   электрон амалны   тири хайырланнганларын санарчады.  Бизни баш борчубуз абонентлени электрокюч бла сылтаусуз этергеди, аны ючюн тёлеуле да анга кёре толтурулургъа керекдиле,- деп билдиргендиле   «Россети Северный Кавказ» - «Каббалкэнерго» биригиуден. 

Эки айдан аслам заманны тёлемей, борч этип тургъанла игилик бла ангыламасала, аланы закон бла жууапха тартырча онг барды. Аллай амаллагъа ишлерин сюдге бериу, токну хайырланалмазча чек салыу да киреди. Уллу кёллюлюк этген борчундан тышында юсюне тазир да тёлерге тюшерикди. Сёз ючюн, экинчи кере  ток бла жалчытылынырча борчун толусунлай жабаргъа тюшерикди. Ол санда ток чыбыкъны кесгенлерине эм къошханларына да кеси тёлерикди. Аны ёлчеми объектни къыйынлыгъына кёре болады.

Кёбюсюнде энчи арбазны иеси – 3 минг, организацияны таматасы уа 10 минг сом тёлесе жетеди.   

Электрокюч бла жалчытхан биригиуню бёлюмюне бара турмай, токну багъасын компанияны https://gp-lc.rossetisk.ru/ сайтында «Энчи кабинетде», «Свет онлайн» приложенияда, адамланы жумушларына къарагъан аралада тёлерге жарайды. Бюгюнлюкде «Свет онлайн» приложенияны иги кесек адам хайырланады. Сервисни  GooglePlay - https://play.google.com/ эм AppStore - https://apps.apple.com/ сайтладан алып этерге онг барды. Аны себеплиги бла комиссиясыз тёлерге, къайсы айда къаллай бир берилгенине квитанция бла шагъырейленирге болады. Быллай амал энергокюч компания бла абонентни арасында байламлыкъны бютюн бек кючлегенин да белгилерчады.

«Россети Северный Кавказ»-«Каббалкэнерго» биригиуню келечилери токну къаллай бир ойнагъанын айны 23-26 кюнлеринден кеч къалмай жиберирге эм тёлеулени уа онбешисине  дери этерге кереклерин эсге саладыла.

Эсге сала айтсакъ, ток ючюн заманында этилген тёлеулени хайыры бла республиканы электрокюч бёлюмю ишин тынгылы бардырады, ол санда ток бла сылтаусуз жалчытырча эм аны качествосун ёсдюрюрча мадар этиледи.