Студент къауум аскер махтаулукъну жеринде

Уллу Хорламны байрамыны аллында Къабарты-Малкъар къырал аграр университетни «Электроэнергетика эм электротехника» бёлюмюню экинчи курсуну окъуучулары, устазлары бла бирге «Нальчик-110» подстанцияда экскурсияда болгъандыла.

Бу энергетика объект аскер махтаулукъну тизмесине киреди. «Россети Шимал Кавказ» компания анда тийишли жумушун бардырып, Уллу Ата журт урушну кезиуюнде электрокюч объектлени тарыхында жигитлик шартла эсде къалырча этерге кюрешгенди.

«Нальчик-110» подстанция узакъ 1936 жылда ишлеп башлагъанды. Урушну кезиуюнде ол Нальчикде жашагъан жарым жюз минг чакълы адамны, ала бла бирге уа бир ненча промышленность предприятияны электрокюч бла ышаннгылы жалчытып тургъанды.

Студент къауум республиканы электроэнергия бла жалчытыу къалай къуралгъанын кеслери кёзлери бла кёргендиле, подстанцияда иш къалай къуралгъанына багъа бергендиле, анда уруннган энергетикле бла да ушакъ этип, кеслери окъугъан усталыкъны магъанасына эмда энчиликлерине тюшюннгендиле.