Мюлкню тизмесин къалай жазаргъа керекди

Республикабызны Курортла эм туризм министерствосунда Къабарты-Малкъарны Прокуратурасыны келечиси Улбашланы Фатиманы къатышыуу бла жыйылыу болгъанды. Анда хайыр, къоранчла, мюлк жумушла  бла байламлы соруулагъа къаралгъанды.

Энчи эс къырал къуллукъчула файдаларыны юсюнден декларацияланы къалай берирге тийишли болгъанларын тинтиуге бёлюннгенди. Айтылгъаныча, аланы жарашдыргъанда, юйюрню битеу келечилерини файдалары, ол санда сабийлеге тёленнген пособияла да саналадыла.

Прокурор чертгенича, толу болмагъан неда ётюрюк билдириулени жибергенле бусагъатдагъы законлагъа тийишлиликде ишлеринден эркин этилликдиле. Бузукълукъла уа асламысында инсанда аланы иеликлеринде болгъан транспортну неда башха мюлкню ачыкъ этмей къойгъанлары неда файдаларыны ёлчемлерин жазгъанда халатла жибергенлери бла байламлы чыгъадыла, дегенди ол.