Бёлюмде ёсюм эсленеди

Шимал-Кавказны статистика управлениясындан билдиргенлерича, быйыл биринчи кварталда Къабарты-Малкъарда промышленный производствода ахшы  ёсюм эсленеди. Сёз ючюн, былтыр бу заман бла тенглешдиргенде, ол 9,3 процентге кёпдю.

Алай бла айтылгъан кезиуге бу бёлюмледе ёсюм былайды: жарашдырыучу производствода – 7,9, электрокюч эм газ бёлюмледе – 14,2, суу бла жалчытыуда, кир-кипчикни жыйыуда эм жарашдырыуда - 22,8 процент.     

Жарашдырыучу производствону айтханда да, эсепле къууандырырчадыла. Къумачдан – 2,2, электрооборудованиядан – 1,8, мебельден – 1,9, башха хазыр абериледен – 3,1 кереге ёсгенди. Аны бла бирге темирден хазыр абериледен – 24,2 эм компьютерле бла электрон эм оптика абериледен да 46,3 процентге кёп чыгъарылгъанды. Аны бла бирге сагъынылгъан кезиуде табийгъат байлыкъланы къазыу 10,5 процентге азайгъанды.