Майданнга айтхылыкъ жерлешибизни аты аталгъандыСанкт-Петербургну сыйлы инсаны, айтхылы дирижёр Юрий Темиркановну аты Мариин театрны концерт залыны аллында майданнга аталгъанды. Аны юсюнден оноуну шахарны губернатору Александр Беглов Санкт-Петербургну Маданиятыны жылына жоралап этгенди. «Петербургда жашагъан хар адамгъа да Юрий Темирканов – Ата журтуна, усталыгъына кертичиликни юлгюсюдю. Фахмулу дирижёрну аты ёмюрлеге сакъланырыкъды къыралыбызны шимал жанында ара шахарыбызда. 2026 жыл бизде Санкт-Петербургну Маданиятыны жылыча белгиленеди. Бюгюн майданнга Юрий Темиркановну атын атагъаныбыз бла бизни ызыбыздан келген жаш тёлю аллай сыйлы адамны билирине, аны аты ёмюрлюк болуруна къошумчулукъ этгенибизди», - дегенди Александр Беглов.
Поделиться:
Читать также:
13.05.2026 - 11:55 →
Маданият хазналарын унутмазгъа алланып
13.05.2026 - 11:33 →
Жангычылыкъла: пенсияла, себеплик этиу, чеклениуле
13.05.2026 - 10:03 →
Тереклеге дарман эмда семиртгич салыр кезиу
13.05.2026 - 09:45 →
Экология жаны бла таза эмда татымлы
13.05.2026 - 08:30 →
«Биз Ата журтубузну, юйлерибизни къорууларгъа барабыз»
| ||
