Жангы амалланы сингдирирге алланып

Къабарты-Малкъарда 27-29 апрельде медицинада качествону бла къоркъуусузлукъну жалчытыу бла байламлы ючюнчю Шимал-Кавказлы конференция бардырыллыкъды. Форумгъа Шимал-Кавказ федерал округну, Москваны, Къазанны, Уфаны, Челябинскни, Нижний Новгородну, Екатеринбургну, Новосибирскни эм Россейни башха шахарларындан келген саулукъ сакълау бла байламлы алчы специалистле жыйыллыкъдыла, деп билдириледи КъМР-ни Башчысыны MAX платформада каналында.

Конференция медицина болушлукъну качествосун игилендириуге бла аны къыйматлылыгъын кётюрюрге жораланады. Аны программасына экспертлени докладлары, тюрлю-тюрлю майданлада бардырылгъан ушакъла, видео сессияла эм мастер-классла киредиле. Жыйылыуланы ючюнчю кюнюнде конференциягъа келгенлени республиканы медицина учреждениялары бла шагъырейлендирликдиле.

Россей Федерацияны регионланы араларында Къабарты-Малкъар медицинада качествону бла къоркъуусузлукъну жалчытыу бла байламлы биринчи болгъанды эм Шимал Кавказда жангызды, «Вершина качества» деген конференцияны да ючюнчю кере андан бардырады. Бюгюнлюкде республикада саулукъ сакълауда качествону бла къоркъуусузлукъну жалчытыу бла байламлы алчы амалла сингдириледиле, деп айтылады билдириуде.

Конференциягъа эсепге тюшерге эм аны бла байламлы къошакъ халда билдириу алыргъа сюйгенле https://conf-mzkbr.ru/ сайтны ачаргъа керекдиле, неда +7(938)075-58-25 телефон номерге сёлеширге боллукъдула.