Бир жерде да ишлемегенни пенсиясы къаллай бир боллукъду?

Адам жашауунда бир жерде да официальный халда урунмагъан эсе, жыл саны жетгенде, къырал анга да тёлерикди пенсияны. Аны аты – социал пенсияды. Ол урунуу стажлары эмда страховой тёлеулери болмагъанлагъа бериледи, дегендиле Къабарты-Малкъарда МФЦ-да.

Бу пенсияны быйыл 64 жыллары толгъан тиширыула эмда 69 жыллары толгъан эр кишиле аллыкъдыла. 2028 жылгъа ол мардала 65 эм 70 жылгъа жетерикдиле.

Бу тёлеу жашау этерге жараулу ахчаны регионда мардасына кёре саналады. Быллай пенсияны тохташдырылгъан ёлчеми 9424 сомду, алай ол а сагъынылгъан тёлеуге жетмейди. Аны ючюн,  Социал фонд кесинден къошуп, аны уллуракъ этеди. Сагъынылгъан марданы къыралда жюрюген ёлчеми 16288 сомду, регионлада уа андан уллуракъ болургъа боллукъду (сёз ючюн, Къабарты-Малкъарда – 17428 сомду). Регионда марда федерал ёлчемден артыкъ болса, пенсиячыгъа экинчисине кёре тёленеди. Алай бла пенсия 16 минг сомдан аз боллукъ тюйюлдю.