Къабарты-Малкъар Республиканы Башчысы К.В. Коковну Космонавтиканы кюню эмда Аламгъа адам биринчи кере учханлы 65 жыл толгъаны бла алгъышлауу

Къабарты-Малкъарны хурметли жамауаты!
Бюгюн биз  магъаналы кюнню белгилейбиз – Юрий Гагарин космосха учханлы  65-жыллыгъын. 1961 жылны  12 апрели барыбызгъа да  махтаулукъну эмда миллет ёхтемлигибизни кюню болгъанды. Ол Жер юсюнде жашагъан адамланы барысын да бирикдиреди. Нек дегенде  къыралыбызны илму-техника жаны бла этген уллу атламындан башланнганды адам улуну айныуунда жангы ёмюр.
Ата журтубузну илмусуну шёндюгю жетишимлери, россейли космонавтла ачыкълагъан жангычылыкъла да Россей Федерациягъа космос кенгликлени хайырланыуда алчылыкъны тутаргъа, аны деменгили къырал деген даражалы атын сакъларгъа себеплик этедиле.   
Къыралыбызны  бир да болмагъанча уллу производство эмда кадрла онглары бардыла. Ма аны хайырындан къыралыбыз  дуния космос индустрияда  алчылыкъны  мындан ары да сакълаяллыгъына ишексизме.
Бу байрам бютюн уллу планлагъа бла башламчылыкълагъа, Ата журтубузну бютюн кючлю эмда монглу этерик жангы бийик жетишимлеге кёллендиргенлей турсун!