Хайырлы жумуш«Жашаугъа 10 000 атлам» деген Битеуроссей акциягъа Элбрус район да къатышханды. Аны мураты тири жашау бардырыуну хайыры бла ауруулагъа къажау турууду, саулукълу жашау этиудю. Харкюнлюк жашауда тирилик адамны чархын эм санын саулукълу этеди. Осал, заранлы къылыкъладан узагъыракъ туруп, профилактика халда тириликни баш жорукъгъа тутуугъа чакъырады бу акция районну жамауатын. Анга битеу организацияланы бла учрежденияланы, жамауат биригиулени да келечилери къатышхандыла. Тырныаууз шахарда уа саулукъландырыу жумушла «Саулукъ барыбызгъада» деген ат бла ётгендиле. Акциягъа къатышханла, шахарны баш жанындагъы шаптал ёзеннге дери барып, артха къайтхандыла. Жолда табийгъатны тамашалыгъына, къышдан уяна тургъан тауланы деменгилиликлерине да къарай, кёзлерин, кёллерин да къууандыра, хайырлы ушакъла да эте, заманны аламат ашыргъанларын белгилегендиле. Керти да бу саулукъгъа бла ариу халны сакълаугъа хайырлы жумуш болгъанын бирча айтхандыла.
Поделиться:
Читать также:
14.04.2026 - 07:55 →
«Мыйыны ишлетип туруу бек хайырлыды»
13.04.2026 - 14:23 →
«Юйюрюнг, юйюнг бар эселе, сабийлеринг саулукълу эселе, ма олду хар тиширыугъа да насып»
10.04.2026 - 15:50 →
Аракъыны - таза суугъа, тютюнню уа спортха алышыгъыз
09.04.2026 - 09:08 →
Жашаугъа он минг атлам
09.04.2026 - 07:55 →
Кёгетлени, жемишлени да юслеринден сейир шартла
| ||
