Къабарты-Малкъарда «Азау» ишленирикди

Къабарты-Малкъарда «Азау» деген спорт-саулукъландырыучу комплексни къурулушуна 2 миллиард сомдан аслам къоратыллыкъды. Аны юсюнден «ТАСС Кавказ» деген регион информация арада ётген пресс-конференцияда КъМР-ни Айнытыу корпорациясыны башчысы Чочайланы Ахмат билдиргенди.

«Кавказ.РФ» айнытыуну федерал институту бла бирге Приэльбрусье энчи экономика зонада инвесторлагъа резидент даражаны алыргъа болушабыз. Резидент статусну алгъан проектледен бири «Азау» спорт-саулукъландырыучу комплексди. Сабий эм жаш тёлю спорт школ, къонакъ юй, СПА эм башха инфраструктурасы боллукъ объектни къурулушу жашауда бардырылып башланнганды», – дегенди Чочай улу.

Аны айтханына кёре, регионубузда бу уллу проектледен бириди. «Бери 2 миллиард сомдан аслам салынырыкъды. Хар зат да биз умут этгенча барса, 2028 жылда комплекс ишлеп башларыкъды», – дегенди ол.