Урунургъа ким да онг табарча

2025 жылдан башлап Россейни Социал фонду регионда биринчи эм экинчи группалы сакъатланы ишге алгъан мюлк иелеге, аллай адамлагъа ишчи жерлени къураргъа этген къоранчларыны бир кесегин къайтарады. Аллай болушлукъгъа предприятияла,  предпринимательле, коммерция бла кюрешген эм сакъатланы битеуроссей организациялары тийишлидиле. Сакъат адам анга бёлюннген ишчи жерде бек аздан 9 ай уруна эсе, аны ишге алгъаннга субсидия халда 200 минг сомгъа  дери  бериледи.

Сакъат адам, урунуу келишим тауусхандан сора, аны иш бла жалчытхан службагъа заявление береди. Башда айтылгъан жорукълагъа кёре, ол ишлеп тургъан эсе, иш бла жалчытыучу служба заявлениягъа ыразылыгъын берип, аны Социал фондха ашырады. Ызы бла заявленияны эсепге алады. Он кюнню ичинде анга субсиядияны ётдюредиле.