Фатарланы жангыртыугъа – ахча2026 жылда Къабарты-Малкъарда кёп фатарлы юйледе ремонт ишлени бардырыуну жумушларына 1,3 миллиард сом къоратыллыкъды, деп билдиреди ТАСС. Саулай да республикада кёп фатарлы юйледен 168-сине ремонт этилликди. Ол озгъан жыл бла тенглешдиргенде, 100-ге кёпдю. Ремонт бардырыллыкъ юйледен 143-сюнде башларын ачып, жангыдан жабарыкъдыла. Сора, жууукъ юч жылны ичинде кёп фатарлы юйледе 28 лифтни алышындырлыкъдыла. Аладан экисин юйледе жашагъанланы энчи счётларында болгъан ахчагъа жангыртыргъа айтадыла. 2025 жылда Къабарты-Малкъарда кёп фатарлы юйледен 68-сине ремонт этилгенди, аладан 48-синде ремонт башдан-аякъ бардырылгъанды. Бир-бир шахарлада бла элледе аллай жашау журтланы башларын жангыдан жапхандыла.
Поделиться:
Читать также:
21.05.2026 - 10:59 →
Сабийле аскерчилеге къагъытла да жазгъандыла
21.05.2026 - 10:01 →
Таза суу бла сылтаусуз этерча
21.05.2026 - 10:01 →
Гюлле салгъандыла, шош туруп эсгергендиле
21.05.2026 - 10:01 →
Туризм бёлюмню сынамлы кадрла бла жалчытырча
21.05.2026 - 09:58 →
Таза продукция чыгъаргъанланы ишлерин туура эте
| ||
