УФСБ: Къуллугъун терс хайырланнганды

31 марта, 2026 - 12:13

Экономикада бузукълукълагъа къажау излеу-тинтиу жумушла бардыргъан кезиуде Россейни ФСБ-сыны КъМР-де Управлениясыны къуллукъчулары республиканы полициячылары бла бирге «Россейни илмула академиясыны ядерный тинтиулени институтуну жашау журт-коммунал мюлкю» Федерал къырал унитар предприятияны келечисини аманлыкъчы ишин тохтатхандыла. 

УФСБ-ны пресс-службасындан бизге билдиргенлерича, ишекли, къуллугъун хайырланып, предприятияны фатарын наймгъа бериуню юсюнден келешимни къабыл кёргенди. Ызы бла журт адамны иелигине берилгенди. 
РФ-ни УК-сыны 286-чы статьясыны 3-чю кесегини «е» пунктуна бузукълукъ этилгени бла байламлы терслеу материалла ачылгъандыла. Законлада белгиленнгенича, быллай аманлыкъ этгенни эркинлиги 10 жылгъа дери сыйырылыргъа боллукъду. 

  • 14 просмотров
Поделиться: