«Бийик усталыгъыгъыз бла антыгъызгъа кертичилигигиз ючюн энчи ыспасха тийишлисиз»

27 март Россей Федерацияны Миллет гвардиясыны аскерлерини кюнюдю. Аны бла байламлы Къабарты-Малкъар Республиканы Башчысы Казбек Коков Росгвардияда къуллукъ этгенлени бла ветеранланы байрамлары бла алгъышлагъанды.

«Профессионал байрамыгъыз эмда Россей Федерацияны миллет гвардиясыны аскерлери къуралгъанлы 10 жыл толгъаны, дагъыда право низамны сакълаучу аскерлени 215-жыллыгъы бла жюрегимден къызыу алгъышлайма!

Сизни службагъызны тарыхы махтаулу эмда жигитлик кезиуледен толуду. Бюгюнлюкде да Росгвардияны боюнуна бютюн уллу эмда магъаналы борчланы толтуруу ючюн жууаплылыкъ салынады. Аманлыкъчылыкъгъа къажау къаты кюреш бардырасыз,  магъаналы къырал эмда промышленность объектлени, коммуникацияланы, транспортну, связьны предприятияларыны къоркъуусузлукълары ючюн жууаплысыз, сауутланы жюрютюуге дайым контроль этесиз.

Ма ол къыйын борчланы сиз хар заманда да бет жарыкълы толтурасыз, къуллугъугъузда бийик жетишимлеге итинесиз, инсанларыбызны къоркъуусузлукъларын бла право низамны ышаннгылы жалчытасыз.

Бийик усталыгъыгъыз, антыгъызгъа кертичилигигиз эмда Ата журтугъузгъа кесигизни аямай къуллукъ этгенигиз ючюн жюрек ыразылыгъымы билдиреме. Бюгюнлюкде энчи аскер операция баргъан жерде къуллукъ борчларын, батырлача, жанларын-къанларын аямай  толтургъан росгвардиячыла уа энчи ыспасха тийишлидиле.

Жюрегими теренинден сизге кийик саулукъ, ниет чыныгъыулукъ, Ата журтха бла Россейни халкъына къыйын, алай огъурлу къуллукъ этиуюгюзде жангы жетишимле тежейме!

Байрам бла!» - деп айтылады КъМР-ни Башчысыны алгъышлау сёзюнде.