УФСБ: Ахчаны ётдюргени ючюн жууап тутарыкъды

КъМР-ни инсанына экстремист организациягъа ахча ётдюргени ючюн уголовный иш ачылгъанды.  

Россейни ФСБ-сыны КъМР-де Управлениясыны къуллукъчулары полициячыла бла бирге КъМР-ни Парламентини Аппаратыны бёлюмлеринден бирини таматасыны аманлыкъчы ишин тыйгъандыла. УФСБ-ны пресс-службасындан бизге билдиргенлерича, ол сюдню оноуу бла экстремист организациягъа саналып, РФ-де ишлерге эркин этилмеген коммерциялы болмагъан организациягъа ахча ётдюргенди. 

РФ-ни УК-сыны 282.3-чю статьясыны 1-чи кесегине бузукълукъ этилгени бла байламлы терслеу материалла ачылгъандыла. Законда белгиленнгенича, быллай аманлыкъ этгенни эркинлиги  8 жылгъа дери сыйырылыргъа боллукъду.