УФСБ: Эркинлигин 15 жылгъа тас этерикди

12 марта, 2026 - 11:23

Терроризмге къажау мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары республиканы 42-жыллыкъ инсаныны аманлыкъчы ишин тохтатхандыла. Ол терроризм бла байламлы аманлыкълагъа болушханына ишеклик барды. 

УФСБ-ны пресс-службасындан бизге билдиргенлерича, ол халкъла аралы террорист организацияланы тизгинлерине республиканы инсанларын къошуу  бла кюрешгенди. 

РФ-ни СК-сыны КъМР-де следствие управлениясы Россейни УК-сыны 205.1-чи статьясыны 1-чи кесегине бузукълукъ этилгени бла байламлы уголовный иш ачханды. Законда белгиленнгенича, быллай аманлыкъ этгенни эркинлиги 15 жылгъа дери сыйырылыргъа боллукъду. 

 

  • 14 просмотров
Поделиться: