Адамланы артха къайтарыр амалла табадыла

Март айны 2-ден 8-не дери Жууукъ Востокну къыралларындан Россейге 45-мингден аслам пассажир келгендиле. Дагъыда 7,5 мингден аслам адамны 33 рейсле бла Кюнчыгъыш региондан Россейге ташыргъа планла бардыла, деп билдиргендиле къыралны Транспорт министерствосундан.

Россейли эм тыш къыраллы авиакомпанияла Бирлешген Арап Эмиратладан 31 рейс, Катар бла Омандан биришер рейс этерикдиле. Сора, башха къыраллагъа учарыкъ пассажирлени санлары ёсгенлери бла байламлы, Аэрофлот авиакомпания транспорт министерствону эм Росавиацияны болушлукълары бла къошакъ 25 эки жанлы рейслени март айына хазырлагъанды. Тайландха бла андан артха компания 9,9 минг адамны, Малеге бла андан артха 5,4 минг адамны, Коломбогъа эм андан артха 4 минг пассажирни ташыргъа дейди.

Авиарейслени графиги хазыр этилгенди. Ол санда, алгъадан алыннган авиабилетлени башха рейслеге броньга салыргъа онгла бериледиле.