Тёлеуле тынч этилирча

Миллет банкны регионда бёлюмюнде болгъан жыйылыуда туризмде тёлеулени карта бла бардырыуну юсюнден соруу кётюрюлгенди. Жыйылыу бёлюмню управляющийи Аслан Каловну башчылыгъында ётгенди, анга курортла эм туризм министрни орунбасары Шауаланы Ислам да къатышханды.

Шауаланы Ислам туризм регионда бюгюнлюкде къаллай халда болгъаныны, бу жаны бла башламчылыкъланы, айныу жолланы юслеринден билдиргенди. Башда айтылгъаныча, энчи эс тёлеулени картала бла бардырыугъа берилгенди. Бу амал солугъанлагъа да тап келгенин белгилеп, жыйылгъанла тёлеулени былай алгъан жерлени санын кёбейтир мурат бла муниципал къуралыуланы башчылары бла ишни бардырыргъа келишгендиле. Ызы бла «Сервис быстрых платежей Банка России», «Наличные на кассе», «Цифровой рубль» деген темалагъа шагъырейлендириу жыйылыула бардырыргъа оноу этилгенди.