Бызынгыда - жангы китапхана

Черек районну Бызынгы элинде жангы тюрлю модель китапхана къураллыкъды. Проект жашауда  «Юйюр» миллет программагъа тийишлиликде бардырылады.

Китапхана Бызынгыны Маданият юйюню алгъыннгы окъуу залында орналлыкъды.  Кеси да  400-ге жууукъ адамны жумушун  тындыраллыкъды. Анда жыйышдырылгъан китапланы саны 13.500 -ден артыкъ боллукъду.

Жангыртыу ишлени кезиуюнде  китапхана орналлыкъ жер да тап халгъа келтирилликди, анда тапкала, столла, шинтикле, дагъыда башха затла  алышындырыллыкъдыла, жангы техника да алынырыкъды. 

Андагъы китаплагъа  шёндюгю  авторланы китаплары  да къошуллукъдула. Андан сора да, Интернет бла терк ишлерге онг берген компьютерле да боллукъдула.

Тапландырыу ишле кёп да бармай башланырыкъдыла.

Холаланы Марзият.