Энчи аскер операциягъа къатышханлагъа - билим бериу бла болушлукъ

Къабарты-Малкъар «Жигитлени заманы» деген уллу федерал проектге къатышхан биринчи регионланы санындады.

Бу проектни чеклеринде 2025 жылда «Къабарты-Малкъар Республиканы жигитлери» деген билим бериуде регион программа жашауда бардырылып башланнганды. Ол федерал даражада къабыл этилген башламчылыкъла республикада бардырыллыкъдыла. Бу программа республиканы оноучуларыны жанындан болушлукъ кёреди эм анга кёп биригиуле, инсанла къатышадыла.

«Бизни жигитлерибиз – СВО-гъа къатышханла эм аны ветеранлары ол затха эс бургъанлары къууандырады. Кёп сынауладан ётген адамла, бюгюнлюкде республиканы жамауат жашаууна, кёп тюрлю башламчылыкъгъа сюйюп къатышханлары къууандырады», – дегенди Къабарты-Малкъарны Парламентини председателини орунбасары Мурат Карданов.

Бу программа Ата журтну къоруулаучуларына мамыр жашаугъа къайтып, анда кеслерине жер табаргъа болушур ючюн къуралгъанды. Ол затлагъа насийхатчылары берген консультацияла, къырал учреждениялада алагъа къуралгъан стажировкала себеплик этерикдиле.

«Аланы араларында бийик усталыкълары, бай жашау сынаулары болгъан, не къыйын ишни да тамамлаяллыкъ адамла бардыла. Алада болгъан онгла республикагъа файда келтирликдиле», - дегенди Мурат Карданов. Окъутуу программа анга къатышханлагъа жангы усталыкъгъа юйреннгенлерине шагъатлыкъ этген дипломла алыргъа болургъа эм ол зат ишге тохтагъанда болушлукъ кёрюрге онг берликди.