Солуу, саулукъ кючлеу жерлеге къараллыкъды

Республикабызны социал-экономика жаны бла айныуунда уллу жерни санатор-курорт хазнаны игилендириу алады. 2021 жылда федерал магъаналы «Нальчик» курортну 2030 жылгъа дери айнытыуну планы къабыл кёрюлгенди, анга тийишлиликде санатор-курорт комплексде солуу жерлени 9 241-ге дери жетдирирге, 14 санаторийни, къонакъ юйню бла къонакъ отоуланыжангыртыргъа белгиленеди, деп билдириледи республиканы Жамауат палатасыны сайтында.

Ахшы тюрлениуле бюгюн да эсленедиле: асдамла аслам жыйылгъан жерле айбат бола барадыла, жангы скверле ишленедиле, жолла тапландырыладыла, солууну бла багъыуну бийик даражада тамамлагъан санаторийле бардыла. Аны бла бирге бюгюнлюкде бу жаны бла баш магъаналы ишледен бири аланы мюлк-техника хазналарын игилендириудю. Анга кёре, 2030 жылгъа дери 19 инвестиция башламчылыкъ тамамланырыкъдыла, ол санда жангы санаторийле, саулукъ кючлеу жерле, къонакъ юйле бла турист объектле ишленирикдиле, «Эльбрус» курортха да къараллыкъды.